V iMATUS Thesis Pitch
O vindeiro 29 de xuño de 2026 celebrarase no salón de actos de iMATUS a quinta edición do iMATUS Thesis Pitch, unha iniciativa dirixida ao estudantado de doutoramento vinculado ao instituto para divulgar a súa investigación nun formato dinámico e accesible.
As persoas participantes disporán de 5 minutos de exposición pública para presentar a súa tese en galego, castelán ou inglés. Poderán participar doutorandos e doutorandas que estean, como mínimo, no segundo ano de tese e que estean supervisados por persoal investigador de iMATUS.
Inscrición:
- O prazo de inscrición permanecerá aberto do 1 ao 19 de xuño de 2026.
- As solicitudes deberán enviarse ao correo electrónico: ✉️ imatus.info@usc.es
Indicando:
- Nome completo
- Título da tese
- Supervisores
- Data de inicio da tese
Non poderán participar as persoas gañadoras da edición anterior.
Lugar de celebración
📍 Sede de iMATUS
Premios:
- Tódalas persoas participantes recibirán un pendrive co logotipo de iMATUS.
Ademais, as tres persoas gañadoras obterán:
- Diploma acreditativo
- Gravación dun vídeo divulgativo para a súa publicación en YouTube (A gravación dos vídeos realizarase ao día seguinte do evento).
⚠️ Exceder o límite de 5 minutos poderá ser motivo de descalificación.