Jorge Mira, investigador de iMATUS, foi galardoado co premio COSCE á Difusión da Ciencia 2023.
O COSCE, coa colaboración da Fundación Ramón Areces, concedeu o Premio COSCE de Divulgación da Ciencia 2023 ao físico Jorge Mira Pérez, investigador de iMATUS e profesor de electromagnetismo da USC. Jorge Mira sucede a outros grandes investigadores como Lluís Montoliu, Ignacio López Goñi, Juan Luis Arsuaga, Gabriel Pinto Cañó, Carmen Simón Mateo, Francisco José Ayala, Amador Menéndez Asturias, etc.
Jorge Mira Pérez (Baio, A Coruña) cubriu na súa carreira investigadora áreas de coñecemento que van dende a ciencia de materiais e a física matemática ata o estudo dos sistemas sociais. Algúns dos seus traballos foron realizados en colaboración con John B Goodenough, Premio Nobel de Química 2019. En 2018 foi nomeado membro da comisión de expertos do Goberno de España para a reforma da hora oficial. Entre os seus galardóns destaca o Premio da Real Sociedade Española de Física – Fundación BBVA (2012) e a Medalla Galega de Investigación en 2022.
Por primeira vez un físico recibe o Premio COSCE á divulgación da Ciencia nos seus 16 anos de historia. O xurado destacou a súa capacidade para chegar a un público xeral e público amplo mediante a difusión de diferentes disciplinas, e o seu labor como director do programa ConCiencia no que participaron máis de 40 premios Nobel ou equivalentes en matemáticas e informática.
Nesta edición do Premio COSCE, o xurado estivo composto pola presidenta de COSCE Perla Wahnón Benarroch, o paleoantropólogo Juan Luis Arsuaga e a asesora de Innovación e Sostibilidade, experta en tendencias enerxéticas María Luisa Castaño Marín.
Ligazóns ás noticias na prensa:
https://www.farodevigo.es/sociedad/2023/06/01/jorge-mira-hara-ciencia-tiempos-88156296.html
https://www.elcorreogallego.es/santiago/2023/06/01/o-fisico-da-usc-jorge-88146784.html
