O marco estratéxico definido para o período 2020-2023 para iMATUS aséntase sobre unha sólida base científica no campo da ciencia de materiais, nas súas capacidades docentes, na súa experiencia no desenvolvemento de proxectos internacionais e no potencial para levar as súas capacidades e coñecementos cara á industria e a sociedade. Partindo desta base a estratexia neste primeiro ciclo oriéntase ao fortalecemento dos cimentos do instituto en tres planos: a actividade (científica e de transferencia), as persoas (comunidade investigadora e equipo de xestión) e a estrutura (de goberno e organización).
iMATUS aspira converterse nun centro de investigación de referencia internacional no campo dos materiais con impacto científico e socioeconómico sobre a saúde, a industria, as tecnoloxías emerxentes, o medioambiente e a enerxía.
Facer ciencia de excelencia multidisciplinar na área dos materiais aplicados á saúde, a industria, as tecnoloxías emerxentes, o medioambiente e a enerxía, apoiándose no ecosistema de I+D+i de Galicia para transferir resultados ao tecido económico. Formar e desenvolver persoal investigador para a súa futura inserción na academia e o sistema de I+D+i.
Para iniciar o camiño cara ao cumprimento da misión, o primeiro ciclo estratéxico enfronta os seguintes desafíos:
Ademais de maneira transversal, as actuacións ligadas ao cumprimento destes retos desenvolveranse no marco da política HRS4 R da USC e os principios de Investigación e Innovación Responsable.
Considerando os riscos e limitacións inherentes a ser un instituto de nova creación, a táctica para o despregamento das accións baséase en: